നവവത്സരാശംസകളോടെ …

ഓണ്‍ലൈന്‍ മീഡിയയിലൂടെയും സോഷ്യല്‍ നെറ്റ്വര്‍ക്ക് കളിലൂടെയും ഞാന്‍ അറിയുകയും സ്‌നേഹിക്കുകയും ചെയ്യുന്ന, എന്നെ അറിയുകയും സ്‌നേഹിക്കുകയും ചെയ്യുന്ന പ്രിയ സുഹൃത്തുക്കളെ,

വിട പറഞ്ഞകലുന്ന ഒരു സംവത്സരത്തിന്റെ മധുരവും കയ്പ്പും നിറഞ്ഞ ഓര്‍മ്മകളും, വരാനിരിക്കുന്ന പുതുവര്‍ഷത്തിന്റെ പ്രതീക്ഷയുടെയും പ്രത്യാശയുടെയും നിറവാര്‍ന്ന അനുഭൂതികളും മനസ്സില്‍ സൂക്ഷിച്ചു കൊണ്ട് വിശ്വമാനവരൊന്നടങ്കം ആഘോഷിക്കുന്ന ഒരു സുദിനത്തിന് ഒരിക്കല്‍ കൂടി നമ്മള്‍ സാക്ഷ്യം വഹിക്കാന്‍ പോകുകയാണ് .

നിങ്ങള്‍ക്കേവര്‍ക്കും എല്ലാവിധ സൗഭാഗ്യങ്ങളും നിറഞ്ഞ അനുഗൃഹീത വര്‍ഷമായി തീരട്ടെ പിറവിയെടുക്കാന്‍ പോകുന്ന പുതുവര്‍ഷം 2019 എന്ന് പ്രാര്‍ത്ഥിക്കുകയാണ്. സുഖദു:ഖസമ്മിശ്രമായ ഒരു വര്‍ഷം കൂടി കടന്നുപോകുമ്പോള്‍, നന്മനിറഞ്ഞൊരു നവവര്‍ഷത്തെ വരവേല്‍ക്കാന്‍ നാടൊരുങ്ങുമ്പോള്‍, ചില ന്യൂജെന്‍ നാട്ടുവിശേഷങ്ങളുടെ രസികന്‍ അനുഭവങ്ങള്‍ കൂടി പങ്കുവയ്ക്കാനൊരുങ്ങുകയാണ് ഇക്കുറി ഈസ്റ്റ് കോസ്റ്റ്..

കണ്ടും കേട്ടും പരിചയിച്ചതില്‍ നിന്ന് വ്യത്യസ്തവുമായ ചില നാട്ടുവിശേഷങ്ങളുടെ ന്യൂജെന്‍ കാഴ്ച്ചകള്‍ സിനിമയെന്ന ദൃശ്യ മാധ്യമത്തിന്റെ വര്‍ണ്ണവിസ്മയങ്ങളിലൂടെ നിങ്ങള്‍ക്ക് സമ്മാനിക്കാന്‍ 2019 സാക്ഷ്യം വഹിക്കുന്നുവെന്ന സന്തോഷം കൂടി അറിയിച്ചുകൊള്ളട്ടെ. ആ നാട്ടുവിശേഷങ്ങൾ അറിയാനും അറിയിക്കാനും ഈസ്റ്റ് കോസ്റ്റിനൊപ്പം താങ്ങും തണലുമായി എക്കാലവും നിലകൊണ്ടിരുന്ന, എന്നും ഞങ്ങൾക്കു ശക്തിയും പ്രേരണയും ആയിരുന്ന നിങ്ങൾ ഓരോരുത്തരും ഉണ്ടാകണമെന്ന അഭ്യർത്ഥനയോടെ, പുതുവത്സരാശംസകളുടെ സൗഗന്ധികങ്ങൾ നേർന്നു കൊണ്ട്,

സ്നേഹപൂർവ്വം,
വിജയന്‍ ഈസ്റ്റ്‌കോസ്റ്റ്

ക്രിസ്തുമസ്‌ ആശംസകൾ

പ്രിയ സ്നേഹിതർക്ക്‌,

സന്തോഷത്തിന്റെയും സമാധാനത്തിന്റെയും ക്രിസ്തുമസ്‌, പുതുവൽസര ആശംസകൾ.

പ്രതീക്ഷകളുടെയും ആഹ്ലാദത്തിന്റെയും സ്നേഹസ്പർശ്ശവുമായി നാടെങ്ങും പുതുപുലരിയെ
സ്വാഗതം ചെയ്യാനൊരുങ്ങുന്ന വർണ്ണ നിമിഷങ്ങളിൽ പുതുമയും വ്യത്യസ്തവുമായ ചില നാട്ടുവിശേഷങ്ങൾ പങ്കിടാൻ ഈസ്റ്റ്‌ കോസ്റ്റ്‌ തയ്യറെടുക്കുകയാണ്.

വിജയവഴികളിൽ എന്നും എന്നോടൊപ്പമുണ്ടായിരുന്ന നിങ്ങളോരോരുത്തരുമാണെന്റെ ശക്തിയും പ്രേരണയും, ഒപ്പം വഴികാട്ടിയും.

നാട്ടുവിശേഷങ്ങളുടെ നന്മയും സമൃദ്ധിയും നിറഞ്ഞൊരു പുതുവർഷത്തെ നമുക്കൊരുമിച്ചു വരവേൽക്കാം.

സ്നേഹപൂർവ്വം,
വിജയൻ ഈസ്റ്റ്കോസ്റ്റ്

 

ഓര്‍മ്മയില്ലേ നിനക്ക് – ഒരുപാടു നാളുകള്‍ക്കു ശേഷം ഒരു മാപ്പിള പാട്ടുമായി വീണ്ടും

പ്രിയരേ,

ഓര്‍മകളുടെ വസന്തം കുളിരണിയിക്കുന്നകുട്ടിക്കാലത്തേക്ക് മടങ്ങിപോകുന്ന ഒരു പെണ്‍കുട്ടിയുടെ പ്രണയതരളിതമായ മനോവികാരങ്ങള്‍ ഈരടികളും ഈണവുമായിരൂപം കൊണ്ടപ്പോള്‍ അതിനു ദ്രിശ്യ ഭാഷ്യം നല്‍കാന്‍ കഴിഞ്ഞ ചാരിതാർഥ്യത്തോടെ.

Direction: Vijayan East Coast

ഓർമകളുടെ വസന്തകാലത്തേക്ക്…

2002 മുതല്‍, ഏതാണ്ട് നൂറില്‍പ്പരം മ്യൂസിക്‌ വീഡിയോകളും നിരവധി സ്റ്റേജൂ ഷോകളും സംവിധാനം ചെയ്തു നിര്‍മ്മിക്കുകയും സംഘടിപ്പിക്കുകയും ചെയ്തിരുന്ന, അഞ്ചു വര്‍ഷക്കാലം ഇന്നും സമ്പന്നമായ ഒരുപിടി സുഖമുള്ള ഓര്‍മ്മകളുടെതാണ്.. ബാല്യ-കൌമാരങ്ങളെക്കാള്‍ എന്നും ഞാന്‍ തിരിച്ചുപോകാന്‍ ആഗ്രഹിക്കാറുള്ള ആ കഴിഞ്ഞകാലത്തേക്ക് ഒരിക്കല്‍ക്കൂടി നടന്നടുക്കാനുള്ള ശ്രമം ഇവിടെ തുടങ്ങുകയാണ്.. തുടരുകയാണ്…

താരതമ്യേന എളുപ്പം ചെയ്യുവാന്‍ സാധിക്കുന്നതെന്ന നിലയില്‍ ഭക്തിഗാനങ്ങളില്‍ തുടങ്ങി, പ്രണയ-ഉത്സവ-മാപ്പിള ഗാനങ്ങളിളുടെ വസന്തകാലത്തേക്ക് എത്രയും പെട്ടെന്ന് തന്നെ എത്തിച്ചേരാമെന്നു കരുതുന്നു..

താഴെസൂചിപ്പിച്ചിട്ടുള്ള ഏതാനും മ്യൂസിക്‌ വീഡിയോയോകള്‍ ആണ് നീണ്ട ഇടവേളക്കുശേഷം പൂര്‍ത്തിയാക്കി ഇതിനകം പ്രസിധീകരിക്കപ്പെട്ടിട്ടുള്ളത്.

ഇന്ന് പ്രസിദ്ധീകരിച്ച ശ്രീകൃഷ്ണ ഗോവിന്ദ.. എന്ന് തുടങ്ങുന്ന ഗാനം, അംഗപ്രത്യംഗ വര്‍ണനയോടും അപദാനങ്ങള്‍ വഴ്ത്തിയും നൂറ്റാണ്ടുകള്‍ക്ക് മുന്‍പ് രചിക്കപ്പെട്ട ഒരുപിടി ശ്രീകൃഷ്ണ അഷ്ടകങ്ങളും സന്ധ്യാനാമങ്ങളും സന്തോഷ്‌ വര്‍മ ചിട്ടപ്പെടുത്തി പ്രശസ്ത ഗായിക ജ്യോത്സ്ന ആലപിച്ചതാണ് .പ്രശസ്തരും നാവഗതരുമായ ഒരുപിടി മോഡലുകളെ അണിനിരത്തി നിര്‍മ്മിക്കപ്പെട്ട ഈ മ്യൂസിക് വീഡിയോയുടെ ഛായാഗ്രഹണം നിര്‍വഹിച്ചിരിക്കുന്നത് പ്രശസ്ത സിനിമാറ്റോഗ്രാഫര്‍ അനില്‍ നായരാണ്.

ആഘോഷങ്ങളുടെ വര്‍ണ്ണ നിമിഷങ്ങള്‍..

ഏതാണ്ട് ഒരു മാസക്കാലം നീണ്ടു നിന്ന വ്രതാനുഷ്ടാനങ്ങളുടെ പുണ്യ നാളുകള്‍ സമ്മാനിച്ച ആത്മ ശുദ്ധിയുടെ നിറവില്‍ ആഘോഷിക്കപ്പെടുന്ന ഒരു സുദിന മെന്നതിലുപരി ശാന്തിയുടെയും സമാധാനത്തിന്റെയും സാഹോദര്യത്തിന്റെയും മാനവികതയുടെയും മത മൈത്രിയുടെയും സന്ദേശങ്ങള്‍ കൈമാറുന്ന സവിശേഷത കൂടി “പെരുന്നാള്‍ ” എന്ന സങ്കല്പ്പത്തിലുണ്ട്. പെരുന്നാള്‍ ആഘോഷിക്കുന്ന ലോകമെമ്പാടുമുള്ള പ്രിയപ്പെട്ട സഹൃദയ സുഹൃത്തുക്കള്‍ക്ക് എന്റെ ഹൃദയം നിറഞ്ഞ ആശംസകള്‍ …..

 

ആഘോഷത്തിന്റെ ഈ സുദിനത്തെക്കുറിച്ച് പറയുമ്പോള്‍ വര്‍ഷങ്ങള്‍ക്കു മുന്‍പ് ഞാന്‍ സംവിധാനം ചെയ്ത “ഉടനെ ജുമൈലത് ” എന്ന ഒരു മ്യൂസിക്‌ വീഡിയോ ഓര്‍മ വരുകയാണ്.. ഉടനെ ജുമൈലത് എന്ന പേരില്‍ പ്രസിദ്ധീകരിക്കപ്പെട്ട  നിരവധി ഓഡിയോ ആല്‍ബങ്ങളില്‍ നിന്ന് തെരഞ്ഞെടുത്ത മാപ്പിളപ്പാട്ടുകളും കൊല്‍ക്കളിപ്പാട്ടുകളും മൈലാഞ്ചിപ്പാട്ടുകളും കോര്‍ത്തിണക്കി ഒരു കല്യാണ പെണ്ണിന്റെ മൈലാഞ്ചി രാത്രിയിലെ സ്നേഹ പ്രകടനങ്ങളും സ്വപ്നങ്ങളുമൊക്കെ 45 മിനിറ്റ് നീണ്ടു നില്‍ക്കുന്ന ഒരു മ്യൂസിക്‌ വീഡിയോ യിലൂടെ ചിത്രീകരിക്കുന്ന ഒരു സൃഷ്ടി… ഒരു കഥാ തന്തുവില്‍ കോര്‍ത്തിണക്കി ഇത്തരം ഒരു മ്യൂസിക്‌ വീഡിയോ ആദ്യമായാണ്‌ മലയാളത്തില്‍ പരീക്ഷിക്കപ്പെട്ടത്.. ചരിത്രവിജയം ആഘോഷിച്ച  ആ പരീക്ഷണ വീഡിയോയുടെ  രണ്ടാം സമാഹാരവും ആദ്യത്തേത്പോലെ തന്നെ ശ്രദ്ധിക്കപ്പെട്ടിരുന്നു.. പത്തു വര്‍ഷങ്ങള്‍ക്കു ശേഷവും പുതുമ നഷ്ട്ടപ്പെടാതെ ജന ഹൃദയങ്ങളില്‍ നിലകൊള്ളുന്ന ആ വീഡിയോകള്‍ ഒരിക്കല്‍ കൂടി നിങ്ങളുടെ സമാസ്വാദനത്തിന്… ഒപ്പം ഇതുവരെ പ്രസിദ്ധീകരികരിച്ചിട്ടില്ലാത്ത കുറെ ലൊക്കേഷന്‍ ഫോട്ടോകളും..

കഥയുറങ്ങുന്നൊരു വീട്..എന്‍റെ കവിതകള്‍ തളിരിട്ട വീട്

“എന്നെന്നും” എന്ന അഞ്ചു ഭാഷകളില്‍ നിമ്മിക്കപ്പെട്ട ആല്‍ബത്തിന്‍റെ പ്രകാശനം  04/02/2010-ന് ചെന്നൈ ഗ്രീന്‍ പാര്‍ക്ക്‌ ഹോട്ടലില്‍  ഈണങ്ങളുടെ ഇതിഹാസം എം.എസ്. വിശ്വനാഥനെ ആദരിച്ചു കൊണ്ട്  സംഘടിപ്പിക്കപ്പെട്ട വര്‍ണ്ണാഭമായ ചടങ്ങില്‍ വച്ച് നിര്‍വ്വഹിക്കപ്പെടുകയുണ്ടായി. കലാ-സാഹിത്യ-സാമൂഹ്യ-സിനിമാ മേഖലകളിലെ പ്രമുഖരോടൊപ്പം ആല്‍ബത്തില്‍ പാടിയ ഇരുപതിപ്പരം ഗായകരും അണി നിരന്നിരുന്നുവെന്നത് മറ്റൊരപൂര്‍വ്വത! അറിവ് ശരിയാണെങ്കില്‍, ചിത്രയും സുജാതയും ഏതാണ്ട് പന്ത്രണ്ടു വര്‍ഷങ്ങള്‍ക്കു ശേഷം ഒരു വേദിയില്‍ ഒന്നിക്കുകയായിരുന്നു.

ഒരു ഓഡിയോ ട്രാക്ക്‌, അഞ്ചു ഭാഷകളില്‍ male-female ശബ്ദത്തില്‍ പത്തു പാട്ടുകളായി പാടിയിരിക്കുന്നുവെന്ന അപൂര്‍വ്വത “എന്നെന്നും” എന്ന  ആല്‍ബത്തിലെ മൂന്നു  ഗാനങ്ങള്‍ക്ക്  മാത്രം അവകാശപ്പെടാവുന്ന സവിശേഷതയാണ്..  അതിലെ മറ്റു ആറു ഗാനങ്ങളും അഞ്ചു ഭാഷകളിലും male ശബ്ദത്തിലോ അല്ലെങ്കില്‍  female ശബ്ദത്തിലോ പാടിയിരിക്കുന്നു..ഇന്ത്യയിലെ മുപ്പതില്‍പ്പരം ദേശീയമായി അംഗീകരിക്കപ്പെട്ടിട്ടുള്ള ഗായകര്‍ പങ്കെടുത്ത ഒരു പ്രൊജക്റ്റ്‌ എന്ന  മറ്റൊരു സവിശേഷതയും “എന്നെന്നും” എന്ന ആല്‍ബത്തിന് മാത്രം!

എന്‍റെ സര്‍ഗ്ഗ ചിന്തകളുടെ പ്രണയ ഭാവങ്ങള്‍ അക്ഷരക്കൂട്ടുകളായി മാറിയ പ്രണയ ഗാന പരമ്പര – “നിനക്കായ് “സീരീസിലെ ഏറ്റവും ഒടുവില്‍ പുറത്തിറങ്ങിയ അതിന്‍റെ ആറാം ഭാഗമാണ് “എന്നെന്നും”. മലയാളത്തില്‍ ഞാനെഴുതിയ അതിലെ 9 ഗാനങ്ങളും അതേപടി തര്‍ജ്ജിമ ചെയ്തു മറ്റു 4 ഭാഷകളില്‍ കൂടി (Tamil, Kannada, Telugu and Hindi) പാടിച്ചിരിക്കുന്നുവെന്നത്, ഒരു പക്ഷെ ആല്‍ബങ്ങളുടെ ചരിത്രത്തില്‍ ഇതാദ്യമാകാം.

ഈ ഗാനങ്ങളുടെ സംഗീതം നിര്‍വഹിച്ചത് നവാഗതനായ ശ്രീ വിജയ്‌ കരുണ്‍ ആയിരുന്നു. ആശയവും അര്‍ത്ഥവുമെല്ലാം അതായിത്തന്നെ നിലനിര്‍ത്തികൊണ്ട്‌ വളരെ ഭംഗിയായി അവയുടെ തര്‍ജ്ജിമ നിര്‍വഹിച്ചിട്ടുള്ളത് തമിഴില്‍ കൃത്യാ, കന്നടയില്‍ മഞ്ചേശ്വര്‍, തെലുങ്കില്‍ വെണ്ണിലക്കണ്ടി, ഹിന്ദിയില്‍ ഇസ്രാര്‍ അന്‍സാരി എന്നിവരായിരുന്നു.

പറയുന്നു ഞാനിന്നു പലതുമേറെ..

“നിന്നെ വായിക്കുവാൻ” എന്ന ആൽബത്തിലെ വളരെ മനോഹരമായ ഒരു ഗാനമാണ് ശ്രീ ലാൽജി അരവിന്ദ്  എഴുതിയ “പറയുന്നു ഞാനിന്നു പലതുമേറെ …” എന്ന് തുടങ്ങുന്നത്..  അരുണ്‍ ദാസ് എന്ന അനുഗൃഹീത യുവ സംഗീത സംവിധായകൻറെ ഈണത്തിൽ ലാൽജിയുദെ  ഭാര്യ നിമ്യയും നജീം അർഷാദും ഭാവ സാന്ദ്രമായി   ആ ഗാനം ആലപിച്ചിരിക്കുന്നു. സാധ്യതകൾ പരമാവധി പ്രയോജനപ്പെടുത്താൻ എല്ലാവരും ഒരേ മനസ്സോടെ ഉണ്ടായിരുന്നെങ്കിൽ ഈ ഗാനം വളരെയേറെ ജനകീയമായിത്തീരേണ്ടാതായിരുന്നു, നേരത്തേ തന്നെ.

ഫേസ് ബുക്കില്‍,  മലയാളികള്‍ നേതൃത്വം കൊടുക്കുന്ന പല ഗ്രൂപ്പുകളിലും പല തരത്തിലുള്ള മല്‍സരങ്ങള്‍ സംഘടിപ്പിക്കാറുണ്ടെങ്കിലും ഫേസ് ബുക്ക്‌ കൂട്ടായ്മയില്‍ നിന്ന് രചനകള്‍ തെരഞ്ഞെടുത്ത്, സംഗീത സംവിധായകരെയും മിക്ക ഗായകരെയും അവിടെ നിന്നു തന്നെ കണ്ടെത്തി, ഒരു പ്രണയഗാന ആല്‍ബം എന്ന ആശയം തികച്ചും പുതുമയുള്ള ഒന്നായിരുന്നു. ഈസ്റ്റ്‌ കോസ്റ്റ്‌ ഫാമിലി ക്ലബ്ബില്‍ സംഘടിപ്പിക്കപ്പെട്ട മത്സരത്തിന് അത്തരം ഒരു പുതുമ ഉണ്ടായിരുന്നു.. അതാണ്‌, “നിന്നെ വായിക്കുവാന്‍” എന്ന പേരില്‍ റിലീസ് ചെയ്യപ്പെട്ട പ്രണയ ഗാന ആല്‍ബം.

ഓർമകളുടെ വസന്തകാലത്തേക്ക്

2002 മുതല്‍, ഏതാണ്ട് നൂറില്‍പ്പരം മ്യൂസിക്‌ വീഡിയോകളും നിരവധി സ്റ്റേജ് ഷോകളും സംവിധാനം ചെയ്ത് നിര്‍മ്മിക്കുകയും സംഘടിപ്പിക്കുകയും ചെയ്തിരുന്ന, അഞ്ചു വര്‍ഷക്കാലം ഇന്നും സമ്പന്നമായ ഒരുപിടി സുഖമുള്ള ഓര്‍മ്മകളുടെതാണ്. ബാല്യ-കൌമാരങ്ങളെക്കാള്‍ എന്നും ഞാന്‍ തിരിച്ചുപോകാന്‍ ആഗ്രഹിക്കാറുള്ള ആ കഴിഞ്ഞകാലത്തേക്ക് ഒരിക്കല്‍ക്കൂടി നടന്നടുക്കാനുള്ള ശ്രമം ഇവിടെ തുടങ്ങുകയാണ്, തുടരുകയാണ്.

താരതമ്യേന എളുപ്പം ചെയ്യുവാന്‍ സാധിക്കുന്നതെന്ന നിലയില്‍ ഭക്തിഗാനങ്ങളില്‍ തുടങ്ങി, പ്രണയ-ഉത്സവ-മാപ്പിള ഗാനങ്ങളിളുടെ വസന്തകാലത്തേക്ക് എത്രയും പെട്ടെന്ന് തന്നെ എത്തിച്ചേരാമെന്നു കരുതുന്നു.

താഴെസൂചിപ്പിച്ചിട്ടുള്ള ഏതാനും മ്യൂസിക്‌ വീഡിയോയോകള്‍ ആണ് നീണ്ട ഇടവേളക്കുശേഷം പൂര്‍ത്തിയാക്കി ഇതിനകം പ്രസിദ്ധീകരിക്കപ്പെട്ടിട്ടുള്ളത്.

ഇന്ന് പ്രസിദ്ധീകരിച്ച ‘ശ്രീകൃഷ്ണ ഗോവിന്ദ’ എന്ന് തുടങ്ങുന്ന ഗാനം, അംഗപ്രത്യംഗ വര്‍ണനയോടും അപദാനങ്ങള്‍ വഴ്ത്തിയും നൂറ്റാണ്ടുകള്‍ക്ക് മുന്‍പ് രചിക്കപ്പെട്ട ഒരുപിടി ശ്രീകൃഷ്ണ അഷ്ടകങ്ങളും സന്ധ്യാനാമങ്ങളും സന്തോഷ്‌ വര്‍മ ചിട്ടപ്പെടുത്തി പ്രശസ്ത ഗായിക ജ്യോത്സ്ന ആലപിച്ചതാണ്. പ്രശസ്തരും നവാഗതരുമായ ഒരുപിടി മോഡലുകളെ അണിനിരത്തി നിര്‍മ്മിക്കപ്പെട്ട ഈ മ്യൂസിക് വീഡിയോയുടെ ഛായാഗ്രഹണം നിര്‍വഹിച്ചിരിക്കുന്നത് പ്രശസ്ത സിനിമാറ്റോഗ്രാഫര്‍ അനില്‍ നായരാണ്.

ശ്രീകൃഷ്ണ ഗോവിന്ദ – തൊഴുകൈയ്യോടെ (vol-2)

ഒരാഴ്ചക്ക് മുന്‍പ് പ്രസിദ്ധീകരിക്കപ്പെട്ടതും ശ്രീകൃഷ്ണ സ്തുതിഗീതങ്ങളുടെതാണ്. ‘അച്ചുതം കേശവം’ എന്ന് തുടങ്ങുന്ന ഗാനത്തിന്റെ പരമ്പരാഗത രചനക്ക് സംഗീതം നിര്‍വ്വഹിച്ചിരിക്കുന്നത് പ്രിയകവി സന്തോഷ്‌ വര്‍മ്മയാണ്. ജോത്സ്യന പാടിയ ഈ ഗാനത്തില്‍, മറ്റുള്ള മലയാള മോഡലുകള്‍ ക്കൊപ്പം ബോംബയിലെ പ്രശസ്ത മോഡല്‍ നിധിയും പങ്കെടുത്തിരിക്കുന്നു. മൈ ബോസ്സ് ഉള്‍പ്പടെ നിരവധി സൂപ്പര്‍ ഹിറ്റ്‌ ചിത്രങ്ങള്‍ സംവിധാനം ചെയ്ത ശ്രീ അനില്‍ നായരാണ് തന്നെയാണ് ഇതിന്‍റെയും ക്യാമറ കൈകാര്യം ചെയ്തിരിക്കുന്നത്.

അച്ചുതം കേശവം – തൊഴുകൈയ്യോടെ (vol-2)

പരമ്പരാഗത രചനയോട് കിടപിടിക്കത്തക്ക മികവോടെ സന്തോഷ്‌ വര്‍മ്മ രചിച്ച അയ്യപ്പ സുപ്രഭാത ശ്ലോകങ്ങള്‍ സംഗീതം നല്‍കി ആലപിച്ചിരിക്കുന്നത് ജയന്‍ മാഷാണ്. പുതുമുഖ മോഡലുകള്‍ അഭിനയിച്ചിരിക്കുന്ന ഈ അയ്യപ്പ സുപ്രഭാത മ്യൂസിക്‌ വീഡിയോക്ക് ഏതാണ്ട് 45 മിനിട്ട് ദൈര്‍ഖ്യമുണ്ട്. ഇടവേളയ്ക്കു ശേഷമുള്ള തുടക്കം ഇതിലൂടെ ആയിരുന്നു, പ്രിയ സുഹൃത്തക്കളുടെ സമാസ്വാദനത്തിനു വേണ്ടി ഇതാ.

അയ്യപ്പ സുപ്രഭാത ശ്ലോകങ്ങള്‍ – താരകബ്രഹ്മമേ തവ സുപ്രഭാതം – സന്തോഷ് വർമ്മ

ഭഗവാന്‍ ഹനുമാനെ പ്രകീര്‍ത്തിച്ച് അന്തരിച്ച ശ്രീമാന്‍ എം.ആര്‍. ഗോപിനാഥന്‍ നായര്‍ രചിച്ച മറ്റൊരു ഗാനത്തിന്‍റെ ദൃശ്യാവിഷ്കാരമാണ് മറ്റൊന്ന്. നമുക്ക് സുപരിചിതനായ നടന്‍ മധു മേനോനോടൊപ്പം ബോംബെ മോഡല്‍ നിധിയും അഭിനയിച്ചിരിക്കുന്നു.

ജയാ ജയാ മാരുതി വീരാ ജയാ – ശ്രീഹനുമാണ് നമോ നമഃ – എം ർ ഗോപിനാഥൻ നായർ

ശ്രീകൃഷ്ണ സ്തുതി ഗീതങ്ങള്‍ക്ക് പുതുമുഖ മോഡലുകളിലൂടെ ദൃശ്യഭാഷ്യം നല്‍കുകയാണ്, “പങ്കജ വിലോചനന്‍ പദതളിര്‍ തൊടുന്നേന്‍..” എന്ന മ്യൂസിക്‌ വീഡിയോയിലൂടെ. പരമ്പരാഗത രചനക്ക് സന്തോഷ്‌ വര്‍മ്മ ഈണം നല്‍കുന്ന ഗാനം ആലപിച്ചിരിക്കുന്നത് അനുഗൃഹീത ഗായിക ഭാഗ്യശ്രീ ആണ്.

പങ്കജ വിലോചനന്‍ പദതളിര്‍ തൊടുന്നേന്‍ – തൊഴുകൈയ്യോടെ (vol-3)